|
|
ними водлуг сего права посполитого неучинил, ино позваный повинен бу-деть сам або через умоцованого своего у права яко на року завитом стати, и того або тых збегов колко их будеть у права поставити. А жалобник за станьем стороны позваное ку праву або через прокуратори, и за призваньем до тых збегов з очевистого мовенья правного доведет ли того, же тот чоловек або челядник албо колко их будеть суть его властьные, тогды позваный будеть повинен ему оного чоловека або челядь з жонами з детьми и зо всею маетностью их вернути и за омешканье службы тых людей наве-зки за кождую неделю от кождое головы мужъское и женьское по шести грошей заплатити, а то навезку тую личачи и рахуючы от заложенья позву.
А естли бы позваный по сказанью врядовом таких збегов отдати со всим яко суд скажет не хотел, тогды винен будеть за них самых жон и дети их головы яко за головщизну водлуг описанья сего статуту, а за маетность тых збегов и зо вастные шкоды того самого жалобника если бы якие тые збеги учынили на чом довод слушный учинить з навезкою заплатити, так же и за омешканье роботы навезку верху мененую дати...
Арт. 21. Невольники якие быти мають. Невольники вперед не мают быти з инъших причин одно полоненики, а инъшая челядь невольная и теж дети потомъки полонеников мають быти осаживаны на землях и розу-мены быти за отчичов, а татарские невольники мають быти осаживаны на их землях.
Арт. 23. Если бы слуги за росказанъем паньским злодея албо якого злочинцы пана своего гонити и имати не хотели. Кгде ж се под час траф-ляеть же слуги за росказаньем панов своих злодея и иных злочынцов пань-ских имати и гонити не хотять, даючи тую причину, иж сами панове не гонили, албо чынечы тым вымову, же ся ему не годить на ката гонити. В чом людем злым не только фолкгу але и великую оборону тым чынили або рук уходили тых которые их поймати могли, для того уставуем иж который бы кольвек слуга за росказаньем пана своего злодеев албо злочынцов которых кольвек пана своего гонити албо имати не хотели, таковыи сам если шляхътич седети винен на замку нашом шесть недель, а нешляхътича водлуг важности выступку пану карати волно. А если бы хто тым слугам которые гонили, албо поймали злочынцу якого уругаючи што ущыпливого задавал, то им ничого шкодити немаеть,але тая примовка на оном самом который примовлял зоставати будеть.
Арт. 24. Олезных и от тых которые будучы без службы и неоселы-ми до мест наших господаръских князских и панъских приходят. Иж некоторые люди звыкли от панов своих не оповедавшы се а ни отъставшы и еще зашкодивши проч отъходити. Про то уставуем або кождый слуга и челядник волный, служачы кому одко колвек маеть отходечы проч от пана своего взяти лист пана своего отвороный под печатью и с подъписом
|
руки пана своего хто бы писати умел и под печатью другого шляхътича с таковым осветьченъем и ознайменьем в оном листе всим в обец иж тот слуга албо челядник служывши ему отстал от него учетиве, а за таковым листом тот слуга албо челядъник увезде добровольне пропущан будеть. А где бы который пан слуги або челядника своего волного отпустити и листу ему токового дати не хотел, тогды тот слуга або челядник таковый маеть з возным и стороною отпущенье пана своего просити, пакли бы и за тым прошеньем упорне без слушных причын отпустити его не хотел, тогды тот слуга албо челядник на вряде нашом где на наблизшом опове-дати и до книг то собе записати дати маеть, и взявши того оповеданья и сознанья возного выпис с книг, и оповедавшыся пану своему маеть пойти проч, а тым вжо увезде щититися волен будеть, а для того кождый чоловек будучи и без службы коли где и до которого колвек места и месте-чька придеть албо приедеть мает ся оповедати врядови тому будь нашому господарскому або князскому, паньскому и земяньскому даючы о собе справу хто и от куль ест кому служил и в которую сторону берется, и кгды таковый приходень от куль кольвек до которого места албо мес-течька прийдеть и до дому чыего увойдеть, тогды господар дому того заразом того ж дня а не далей на завтрее врядови своему оповедати его и кождого гостя незнаемого повинен будеть под виною на вряд копою грошей, а за таковым поступком волно пропущон мыти маеть. А где бы который таковых особ до якого ж кольвек места албо местечка пришедши хотя имаючы о собе сведцство пана своего, а не оповедавшыся врядови там перемешкивал, тогды вряд тот взяши о нем ведомость маеть его поймавши в пута железные на две недели оковати и до роботы приставити, а на господару том который его утаил вины собе справити копу грошей, а который бы без сведецства пана своего албо врядового до которого места албо местечка пришол и не был бы того краю обывателем, тогды у везенью до трех недель от вряду задержан а потом выведавшися от куль и куды ити хочеть пущон быти маеть, а про то так вжо на вси потомные часы мети хочем або кождый господар домовый наймита роботега и наймичку свою в местех наших господарских перед цехом где ест право Майдеборское а где права Майдеборского нет ино в таковых местечьках наших, князских паньских и земянъских вряду тому под которым тот господар перемешкиваеть о них самых и о жытью их ведомость чынити, и рейстру врядового вписати повинни будуть, але з них таковых которые без службы живучи и всякою работою не бавятся на костырстве и пьянстве час свой травять, нигде их жаден вряд терпети не маеть, але таковых кождого стану по упомненью первшом, и втором, а за третим дубцы бьючи вон з мест и местечок выганяти казати повинен будеть, а господар домовый который бы в дому своем по заказе и на помненью врядовом та-
75
|
|
:
: