А жонам их совито головщина. А навезка им: панъцерному слузе шесть рублев грошей. Путному слузе три рубли грошей. Бортнику два рубли грошей. Тяглому чоловеку две копы грошей. Челяднику домовому отьчиз-ному и полоненику копу грошей. А жонам их совито. А жонце которая мужа немела и немаеть, навезки полтина грошей, а головщизны двадцать коп грошей.
Арт. 5. О годовщинахремесных людей. Золотару, огранисте, пушка-ру, гафтару, малерови, соколнику, машталеру, кравцу, гафтарце, коверни-ку, ткачу, слесару, столмаху, дойлиде, ковалю, столяру, псарцу, возници, муляру, шевцу, гончару, тым всим головщины по тридцати коп грошей, а навезки по три рубли грошей а жонам их совито потому ж и инъшим реме-сником которих тут не написано маеть быти плачоно яко и тым вышей ме-нованым а жонам их совито.
Арт. 6. О головщизнах и навезках мещанских мест упривилъеваных и менших. В местех упривильеваных наших господарских и князских панских в которых ся судять правом Майдеборским а не мають привильев на навезку шляхетского права войту, бурмистру, лавнику, писару, головщизны по пятьдесят коп грошей, навезки войту, бурмистру, лавнику, писару десеть коп грошей а жонам их так головщина яко и навезка совито, вед же тым жонам которые ся сами шынком небавять а которые шынкують сами тым яко иного простого мещанина жоне, мещанину таких мест что под Майдеборским правом головщины тридцать коп грошей, навезки пять коп грошей, а жонам их совито.
А если бы в котором месте таком войт бурмистр лавник або писар был шляхътич з роду або за упривильеваньем нашим господарским а не бавил бы ся шинком и ремеслом..., таковому головщизна и навезка маеть быти шляхетская и жонам их совито. В местечках меньших где права Майдеборъского нет, войту лавнику головщины тридцать коп грошей, а навезки пять коп грошей, а жонам их совито, мещаном таких мест менших головщины двадцать чотыри копы грошей, а навезки три копы грошей, а жонам их совито, шинкарце навезки пятьдесят грошей, а головщины двадцать коп грошей.
Арт. 11. Человек вольный за кождый выступ в неволю выдан быти немаеть. Теж уставуем, иж человек вольный за жаден выступ неволю вечную выдан быти не маеть, а естли бы в суме великой был выдан маеть с тое сумы выробливатися, а выпуску на кождый год мужику рубль грошей а жонце копу грошей. Ведже одежа и корм от того маеть быти давана кому хто выдан, и если ж бы с тое сумы выслужитися до смерти немог, а будет ли мети дети подърослые до послуги и роботы годные, тогды дети его мають с тое сумы выроблятися ведже не далей одно через сем лет а выпуску детем потому ж маеть быти яко о том вышей описано, а закупным людем
:
: