|
|
РОЗДЕЛ СЕМЫЙ О записех и продажах
Арт. 8. О записех людей простых волных похожих и на аренды даных. Уставуем, иж естли бы который человек вольный похожый задал ся за которого пана, а тот бы пан маетностю своею запоможенье якое ему учинил, а оный бы чоловек на тую маетьность от пана взятую лист запис свой добровольный з обовязки в нем описаными под печатми трех шляхътичов веры годьных дал, таковый запис у права за модный и слушный приймован быти маеть. Ведъже люди отчызные отьшедши от панов своих и за инъшых панов задавшися хотя бы таковыми описы вышей менованьши обовезалися, тогды такие записы у права приймованы быти не мають, и за ними тот кому се опишуть одержати ничого не можеть, потому ж и на аренды мыт коръ-чом, млынов, робот лесных, и иных пожитков записы даные яко се у верху того артыкулу описала у права за слушные приймованы быти мають.
РОЗДЕЛ ДЕВЯТЫЙ
О подъкоморых в поветех и о правах земленых,
о границах и о межах
Арт. 27. В чужого человека не маеть нихто земли закуповати без воли пана его. Уставуем иж в бояр и в людей простых княжских паньскихь и земяньских нихто земли закуповати, а ни на лето ку паханью наймовати немаеть без воли пана его, а еслиж бы хто в чужого человека землю без воли пана его закупил або нанял, и што на ней посеял, тогды тое сеянье и пе-нези тратит. А тот чоловек чия земля маеть без откладанья пенезей свою землю ку своим рукам взяти а он на том чоловеце его в которого будеть землю закупил або нанял и на паручнику через чые руки будеть пенези давал искати не маеть, для того иж он то учынил над тую уставу так же и самого чужого человека жоны и детей его немаеть нихто закуповати и наймовати, без воли пана его, або врядника под утраченьем найму.
Арт. 28. О поруках людей простых. Уставуем, иж бояре панъцерные путные и люди простого стану не мают без ведомости и дозволенья листовного панов своих никому по речах великих ручити однож волно им будеть хотяж без ведомости панов своих ручыти в речах ровных, то ест на-далей до чотырех коп грошей и хотя бы един чоловек и по розных людей ручити хотел перед се так маеть ручити якобы чотырох коп грошей непе-ревышало.
РОЗДЕЛ ОДИНАДЬЦАТЫЙ О кгвалтех, о боех, о годовщинах шляхетских
Арт. 27. О головщинах охроменъю члонков, и о новезках шляхетских. Хто бы шляхтича на смерть забил, або яким кольвек обычаем о смерть прыправил, а в том бы справа водлуг сего статуту винен зостал, тогды за
|
того забитого при инъшом каранью в сем статуте водлуг учинку описаном маеть быти головщины плачоно сто коп грошей, а хто бы за се обычаем окрутенства згоръдевши зверхностью нашою господарскою и правом по-сполитым, а сам своволеннъства и срокгости уживаючь и паствечисе над ким, а кгвалтовне по воли его собе маючы, которому шляхтичу або шляхъ-тянце руку, ногу, нос, ухо, губу утял або урезал, так же бы праве проч который с тых члонков отьпал, або бы око зубы вытял, албо выбил албо на око ослепил а в том бы с права винен зостал тогды наследуючы в том права божего, уставуем иж за таковый кождый члонок утятый або урезаный або выбитый тому хто в том винен застанеть, маеть теж таковый члонок утят и урезан або выбит быти, а за вину такого окрутенства и своволенъст-ва и за наклад правный стороны жалобной пред се будеть винен за такий кождый члонок стороне жалобной по пети десят коп грошей платити. А естли бы обе две руки, ноги и оба два уха утял або обе две ока вытял, або выбил, тогды теж противная сторона правом переконаная такое ж каранье и на таких же члонках з нагородою сумы пенежное яко вышей описано, маеть с права от вряду отнести, а естли бы палец або колко их у руки або ноги утял, тогды и за то такое ж ровное каранье винному чынено будеть, а заплата пенежная за кождый палец утятый маеть быти по двадъцати коп грошей. Пакли ж бы который с тых менованых члонков не был утят так же бы проч отпал, але бы с того зраненья был так вельми охромен же бы им до году владнути не мог, тогды за таковое охроменье за кождый члонок, руку, ногу, ухо, губы по пятьдесят коп грошей заплатити, а за палец охро-меный такеж двадцать коп грошей заплатити маеть. А естли бы хто кого в голову ранил, с которое бы раны реч замкнул, хотя бы ся и выгоил и жив зостал але бы вжо потом мовити не мог, тогды тому маеть сто коп грошей яко головщизну виноватый заплатити, а за вину у везенью в замку або дворе нашом судовом где ся што станеть на дне у вежи шесть сажон в земли пол года седети. За рану крвавую в голове, с которе бы кости выбирано тридцать коп грошей, за рану обличную сорок коп грошей. А хто бы теж кого умильне на зелживость стану шляхесткого кием, кестенем булавою альбо пугами, дубцы, и иншими приправами бил альбо бити казал, за таковый кождый бой и зельживость мает быти навезки плачоно сорок коп грошей, а еще для такое раны в голове до выбиранья костей и через твар даное так же для битья кием, пугами, дубцы и инъшими приправами за вину такового зуфальства и своволенства в замку албо в дворе нашом судовом того ж повету где о то право будет дванадцать недель на дне у вежы седети и за инъшие раны якою кольвек бронью железною, звычайною Кубою заданые навезки двадцать коп грошей платити. А к тому шесть недель У везенью в замку албо дворе нашом судовом седети, а хто бы поличок кому дал, або бороду або волосы рвал таковый за то дванадцать рублей грошей платити и у везенью три недели седети маеть, а белым головам шляхъ-
|
|
:
: