|
|
шляхетські, духовні; віднині і на вічні часи не слід брати ніяких мит з духовних і світських людей шляхетського звання і з їх підданих з будь-яких речей їх власної роботи і кормління, але з тим, проте, щоб вони цим шляхом не сприяли униканню від купецьких мит, що повело б до зменшення і затаювання давніх наших мит і мит інших чинів у Польщі і в Литві.
Хрестоматія з історії Української PCP. — К., 1959. — Том І. — С 117—118.
Литовський статут (1588 р.)
(Витяги)
РОЗДЕЛ ПЕРВЫЙ О персоне нашой господарской
Арт. 22. О врядниках дворных, воєводах, старостахукраинных, и людях служебных, же се с права вимовляти не мають. Забегаючи мы господар продолъженью справедливости людъское, уставуем, иж врядники наши дворные панове печатари, маръшалъки, подскаръбие, писари, секратари, и вси иные врядники, и слуги наши дворные, так же воеводове, старостове украинъные, и теж люди служебные езные, и пешие, в полю и на замъкох будучие, которые без рушенья посполитого за пенези служать, так ротьмис-тры сами, яко и товаришы их будучи з именей своих, до которого ж кольвек вряду, або и перед маєстат наш водле права позвани, под часом покою в князстве литовъском не мають, и не будуть мочи з отказу правного забавою, таковых служб своих вымовляти се, и мы господар таковых листы нашими от права вызволяти не маем, але кождый з них повинен будет поступком, правным, або сам або через умоцованого своего за позвы становитисе и усправедливяти, вынявшы тых, которые на службе речы посполитое, або посельством в справах земъских забавены будуть, што он по звороченю с тое послуги на перших рокох будучи позваный, явне оказати и усправедли-витисе на другую послугу не отьеждаючи маеть. А естли бы на тых других рокох того значне водле права, ижь на послузе таковый был не оказал. А то ку зволоце стороне учинил, тогды вжо на тых рокох вторых яко на року завитом суд тот неприпускаючи стороны позваное ку отводу, сторону пово-довую ку доводу припустивши, тую реч о што позвано на упад на нем вска-зати за доводом водле права и сего статуту маеть.
Арт. 31.0 прочищенью рек порътовых. Обачаючи пожиток не меньший людей народу шляхетьского, так же и мест наших головных до которых бы се латвей живности и иные потребы спустом воденым спровожати могли, уставуем, иж естли бы в котором краю в том паньстве нашом вели-
|
ком князстве литовском река портовая была которою бы до мест наших головных спуст быти мог, а прочищенья бы потребовала, тогды старостове и державцы добр наших, где такая река через кгрунты наши идеть, под-даными нашими повиньни будуть оную реку вычистити, и порът направити, так якобы се ею комяги, витины, судна воденые, и плоты дерева на бу-дованье, и на дрова годного без завады проходити могли, потому ж и вси станы так духовные, яко светъские от навышшое аж до низъшое особы повиньни будуть заховатисе, и таковые реки портовые через именье и кгрунт их идучие вычищати и направовати, ако се вышей поменило, кгды ж то не без пожитку их будеть, бо што бы мел на сту подводах до места нашого головного живности от выхованья его зосталые, для продажи послати, то може судном воденым путем через колько человека отъправити. А хто пущи свои над порътом маеть пущаючи дерево на будованье, и на дрова годное, великий пожиток себе прибавить, а где бы через именье спольное таковая река шла, а один бы участник, або и колко их, хотели бы тую реку до спусту выправити, а другие бы учасники их до того одному або колько их до помочи и довычищеня таковое реки причинити се нехотели, тогды тые которые вычищать, мають там подъкоморого поветового вывести. А подъ-коморий мает тот наклад их за доводом слушным ошацовати, и нам то на листе своем ознаймити. А мы господар маем тому або тым особам, которые то реку вычистять за наклад их дать мыто выбирать, от тых которые тою рекою збожъе и инъшые товари спущати на продажу будуть, ведъже потуль того мыта им позволити маем, поки наклад свой на тое вычищенье реки учиненый выберуть.
Арт. 34. О недаванью двох достоеньств або врядов одной особе. За прозбою всих станов великого князства литовъского, бачечы мы господар с лепъшим пожитьком и озъдобою речи посполитое кгды ж дыкгнитарст-во и вряды два судовые одной особе даваны не будуть, про то уставуем и мети то хочем и полнити обецуем, што ж одной особе бы назацнейшой и назаслуженшой двух дыкгнитарств влавицы рады нашое так теж двух врядов земъских и дворным и старосте судовых от сего часу, и на вси потомные часы давати не маем, а хто бы якоеж кольвек дыкгнитаръство вряде нашой, албо вряд дворъный земъский, будь теж староство судовое против сего статуту одержал, такового владзы ни хто подлечи не бутеть повинен, и о въшем хто кольвек его перед нас господара на сейм позовет тогды на первшом року яко на завитом стати маеть, и станеть ли або не станеть, мы господар там жена том року оного дыкгнитарства албо вряду судового, о который будеть позван, отъсудити маем, а инъшому дать; а тому хто о то его позоветь, тот же позваный сто коп грошей заплатити повинен будеть и то на маетности его отъправлено быти маеть...
5'3-70
67
|
|
:
: