|
|
там, где чорные лесы, и тяжкие к выробленью; и то даем на баченье врядо-вое, а ревизор, приехавши, вольность тую уважит и цынш постановит по выседенью воли платити водле уставы: Ведьже таковые лесы, где бы на пашню згодитися не могли, померяючи, не мають прогоняти и прорубы-вать волок, одно воколо обмеривши и границы положивши пописати дов-гость и широкость шнуров, и колько волок и моркгов, яко ся вымерит, и, зморкговавшы, на рейстры пописати; а ведьже от таковое померы меныни брати, то есть от десяти моркгов грош 1. А где сеножати в пущах наших суть, ино вряд и лесничий мають давати ведомость ревизору, а ревизор мает, где бы потреба была, до двора нашого таковые сеножати привернути, альбо межы подданых на плате роздати; а подданые на косьбу вси, колько их поймут, одным разом мають ходити, оповедавшися лесничому. А ручницы, пса, рогатины и ничого, чим бы зверя забил, не брати ему з собою. А где бы межы пущою болота и лесы кгрунтуна пашню годного ме-ньши трех волок было, там людей не садити для злодейства и прокрадыва-нья мыт, але на плате роздавати. А в оступех и ловех наших проробков и сеножатей никому не мети водле уставы. Новы и оступы в пущах наших ревизоры з лесничими и теж с осочники, почавши от Беловеж, аж до Ковна, порядком слушным росправити и росписати казати мають на розные часы для вольнейшого перебыванья и ведомости о зверу, и яко много до которого оступу людей потреба, и о далекости оступов, мають с пильнос-тью межи собою то постановивши, в рейстр вписати и на вряде зоставити, абы за ведомостью потребы певное личбы людей, з далеких волостей их не гнано, кгдыж и без того обыйтися можно. А подданые нашы тяглые и осадные, кождый з волок своих, повинни будуть до оступов наших пешо ходити и з возами ездити; а поколь в ловех нашых мешкати будут, потоль на инылие роботы ходити неповинни; але хлопята и старые абы в ловы не ходили. К тому теж вряд без ведомости, листу и росказанья нашого, подданых в ловы выгоняти не мает, под ласкою нашою. Бортное дерево наше все абы вряд в своей ведомости мел, чого ревизорове доглядати мають. Дани теж медовые водле старых звычаев йти мають с пущ, а з ульев домовых и з бортей на волоках жаден с подданых плату давати неповинен. А за борть шляхецкую, которая бы ся подданому у волоце достала, так с пчола-ми, яко пустая, мает быти заплата водле статуту, то есть за борть пустую 15 грошей, со пчолами — 30 грошей; а хто бы заплаты приняти не хотел, тому вольно борть свою зо пня спустити и взяти. А во всих наших и обчих пущах, где перед тым подданые нашы бобры на нас гонили, и теперь по первому гонити мають; а где бы ся в реках и озерах наших ново бобры показали, и там ловити мають; а за працу их брати им бобра пятого альбо по-черевье от кождого бобра. А где подданные в пущах наших лазни для входов мають, при таковых лазнях абы конечно быдла и собак не ховали, чого им врядник и лесничий боронити мають. Вольность подданые до пущу на-
|
шое, хотя жиголовное, ведьже, не глубоко, мають мети по дрова, по хворост на гороженье, по дерево на будованье, по лыка, на свою только потребу, а не на продажу; а где для оступов закажут им, ино, поколь заграни-чат ревизорове, того уживати, и то так, абы на одном местцу брали, [а на другом загаили]. А робятам малым и невестам губ, овощу лесного всякого, ягод и хмелю во всих пущах наших не боронити. А на своих волоках подданым вольно забити волка, лисицу, рыся, росомаху, зайца, белку и иньшый зверь малый, так же птахи всякие, и продавати, кому хотячи, и не оповедаючи вряду; але серны и иныпого большого зверу не бити и на своих волоках, а особливо в пущах и под пущами нашими ручниц ховати и жадного зверу ловити не мают под горлом.
Арт. 40. Вольность подданым до рек и озер наших, рыб ловити крытою, удою, броднем, тригубицею, обором и иньшими малыми сетками уряд и неводничий не мають заборонити, нижьли езов забивати не могуть; а месяца апреля, мая, июня ничим рыб не ловити в озерах, только для мно-женья их в тых месяцах, чого уряд и неводничий заборонити мають, ведьже в реках волен завжды подданым улов на рыбы.
Арт. 41. Подданый убогий и недостаточный, часов голодных, засеявши пашню на зиму, кгды отходить кормитися, маеть оповедатися врядо-ви при войте и указати убожство и недостаток свой, для чого то учинити мусит: и у такового подданого домовство и засевок не мает быти бран аж до светого Яна; а не вернет ли ся до того часу, тратит засевок, и будет то все отдано иныпому без поклону врядничого. А который бы человек не оповедавшися вряднику при войте, утек з волоки, тую землю зо всим до-моством, што ся останет, иныпому дати, а збеглого сам вряд и через войта искати мают; а где его найдут, а выдати не схотят, ино правом доходити. Пак ли сам отходень после часу назначоного, альбо збег, правом зыска-ный, любо и без права, вернется, таковых на пустых волоках осажати. А естли за кривдою от врядника и войта выйдет подданый, а потом прийдет назад, ревизор винности его мает ся доведати и уважити причину, естли припустити его к засевку и будованью альбо ни.
Арт. 42. Продати на волоце будованье и домовство подданому вольно, перед урядом, при войте и лавниках, а тот хто купит, осадивши волоку свою, который бы дуж потягли тягнути, может умеете або на пустой волоце сести; и тот, хто купит, не мает больш дати врядникови, только 2 гро-шы; и записного в рейстр грош. А естли в том уряде нет места и волоки пустое, ино ему до иныпого именья нашого вольно ити, вземши лист от уряду до того, куды ся переносит, иж добровольне вышол, волоку осадивши, и в том ему перед урядом або войтом уиститися, штобы инде не шол, только до волости нашое.
Арт. 43. Везде при селех наших волоки пустые, альбо непринятые и роздробленые, вряд и ревизор при бытности своей людми добрыми осажа-
|
|
:
: