|
|
10. А теж вси, а кажды особые, селяне и подданые княжатом, рыте-рем, шляхтичом, бояром и местичом наших земль великого князьства Литовского, от всего даниа и заплаты, собранья, вытягнениа серебщизны, и тежь мер, который же дякла реченыи суть, от вожениа камениа, протесов, бревен и дерева на жжениа плит, а любо мелу на городы, сенокошениа и иных несправедливых робот выпущены и будуть вольни овшейкы и выня-ты, выменуючи роботы на будованье городов наших новых потребных, а старых поправлениа; теж княжатом, рытерем, шляхтичом селян данных и подданых и чересь нас им дарованых а також выимаюче. А теж из старо-давна зыченые на нас и на наши будущий уряды, поборы, стадыи мостов новых чинениа, старых поправлениа, а городов оправлениа, непорушне заховаєм, а и хочем всегды имети неслободных.
11. А також мы, а любо заказникы наши, тых предречоных княжат, рытерев, шляхтичов, боярь, местичов земль наших Литовскых и Рускых и Жемоитскых и иных людей данных, извечных, селенятых, неволных, которое бы коли плоти были, а любо достойности, не приймем, а ни урядником нашим приняти не перепустим; а они тежь прелати, княжата, рытери, шляхтичи, бояре, местичи великого князьства Литовского и Руского, Же-моитского, наших и будущих людей, которое бы коли плоти были, а любо достойности, приняти сами, а любо черес свои врядникы, ни жадным обычаем не смети будуть.
12. А такожь на подавание предреченых княжат, рытерев, шляхтичов, боярь, местичов, децькых не дамы: олижь бы первей от пана, которому ж тот поддан, который кривду вчинил, правда пожадана была, ачь бы он на рок не хотел к праву поставити; тогды наш децкый, а любо наших заказников имать быти послан; а виноватый, который вину заслужил, пану своему, а не иному, будеть обязан заплатити.
13.А такожь обецюем и слюбуем, ижь панства нашего земль, великого князьства предреченого, не вменшим, але у границах, как же предъ-кы были наши, на имя князь Александр, нареченый Витовт, дядя наш, и иные дръжали и володали, такожь и мы тыежь земли здорови, целы, держати будем, и володети и щитити, а с божьею помочью и всими силами нашими розмножати будем.
14. Такожь обецюем и слюбуем, ижь в землях тых наших великого князьства, земль, городов, мест, а любо которых-колвек дедичьтв, у воло-дение и в дерьжание, а любо некоторый вряды а любо чьти, не имаем дать в честь никоего чюжоземца, але только там родичам тых земль наших предреченых великого князьства Литовского дамы, и наши после будущий дадуть в дерьжание и володенье.
А на сведетьство сего листа, печять нашя есть привешена. А деялося и дано чересь руце велемощного Михаила Кезкгайловича Здявилтовича, великого князьства Литовского канцлеря, в Вилни, в день св. Жикгимон-
|
та, в лето божиа нарожениа тисячя четыриста 57-е. Писан руками Марти-новыма з Лужка, он жо то имел с приказу.
Законодательные акты Великого княжества Литовского XV—XVI вв. — Л, 1936. —С. 3—11.
Судебник короля Казимира (29 лютого 1468 р.)
Казимир, б. м.* король Полскый, великий князь Литовьскый и Рус-кий, княжа Пруское, и Жомоитьскый, и иных, чиним знаменито сим нашим листом, кто на нь посмотрить, или чтучи услышить, ижь мы с князь-ми и с паны радою нашею великого князьства Литовьского и с всим по-спольством согадавши, урядили есмо так:
1. Што с лицом приведуть татя, будеть ли мочи чим платити, ино заплатити истинну; пак ли чего у дому не будеть, а будеть ли то жона ведала з детми ужо изрослыми, ино жоною й детми заплатити, а самого на шибеницю; а што будуть малый дети, ниже семи годов, тыи в том невинни.
2. А пак ли злодей не имети будеть чим платити, ино и лица у двор не имать, воротити истьцю, у кого украдено, и просокы половину веръну-ти; а злодеа на обешение, а просока по старому.
3. А в кого будеть украдено, а што судьи присудять: ино прво заплатити истьцю, а потом осподарь татя того вину свою бери.
4. А коли выдадуть жону, а любо дети татиныи, а у колце судьи ска-жють, а потом возмогут ли ся выкупити, а любо осподарь их усхочет выкупите, и они могуть ся выкупити. А будет ли в дому статков татя того, и он домовыми статкы плати; оли ж бы не было чим платити из дому, ино жоною и детми платити, как у верху писано.
5. А коли бы злодей што у кого украл, а и где украдено, а там его ухватят с лицом, а он у дом не принесл, жона и дети того не поживали: злодей терпи, а жона и дети и дом их невинен.
6. А коли злодей из дому вышел, и украдеть што и потеряеть, а любо што изъесть, а кроме жоны и детей, ино домовыми статкы, што того татя влостное, заплатити; а жона и дети и статкы женьни от того порожни.
7. А коли чий человек у злодейство упадеть, а будеть осподарь его тое ведал, а любо и с ним удел имел, а будеть на то довод: и тот так терьпи, как который злодей.
8. А который будеть лежьни держати у своем дому тайно, а суседем околици не оповедаеть, а в том часу што у кого изгынеть, а будеть на то
* Божьей милостью.
|
|
:
: