|
|
тож мы Казимир, с божьей милости выбраный король Полскый и великий князь Литовскый, и Рускый, и Жемоитскый и иных земль, познавше верность уставичную почтивых, достойных, освеченых, выбраных, мудрых прелатов духовных и светьскых княжат, рыцеров, шляхтичов, бояр, мес-тичов земль великого княжьства Литовского и Руского, Жемоитского, которую ж к нам и к нашой парсуне освяченой, как ж то до правого дедича и пана прироженого, имели и имають, а також и напотом имети уставичне и верне мыслять, якож то черес осмотрение наше есть найдено: достойне умыслили есмы, за такыи доброты и ласкы, дары и иными ласками им милостиве отдарить; бо тогды потом к нам и к нашим службам найдени будуть рыхлейши, коли себе узрять такими ласками утешоны.
1. Тогож деля, наипервей, предреченым прелатом, княжатом, рыте-рем, шляхтичом, бояром, местичом нареченых земль великого княжства Литовского и Руского, Жемоитского, неотзывне дали есмо и моцъю того-то листа щедре даваем, призволяєм и вечне даруем посполито, овшейкы, права тые, зволеньства, твердости, якож имають прелати, княжата, рыте-ри, шляхтичи, бояре, местичи коруны Полское; але бы потом в том не было никоторое отщепение, а любо недоверьство возникнуть, туго умыслили есмы положити через выклад письма явне.
2. А на-первей, вся дарованя, привилиа, твердости церквей головных, зборных и кляштырных, в землях наших великого князьства Литовского и Руского, Жемоитского и иных, поставленых и заложеных, а и потом который будуть заложены, хочом без порушениа и без обид ховати, боронити и щитити, вподлуг всее нашее моци. Которая ж то церква головная, зборная, кляштырная, по смерти... ижь бы пуста была, а пастыря не дръжала, которое ж поданье к нам и к нашим наместником пригодило бы ся; тогды им с полного права, не иного, а любо не иных, пастыря, а любо пастырев давати имаем, нижьли великого князьства нашого Литовского, прироженого, аж достойными обычаи найден будеть; аж пак не будеть, тогды иншого рожаю парсуну ужиточную, почестливую, згодную, которая ж бы могла рядить и вжиточна быти, имаемь дати, только крат, колько будеть надобе.
3. Также предреченым прелатом, княжатом, рытерем, шляхтичом, бояром, местичом предреченых земль великого князьства Литовского, Руского, Жемоитского дали есмо: што ж ни на жадного обмовление явное, или тайное, тых княжат, рытерев, шляхтичов, боярь, местичов не будем казнити ни именьи, а ни пенязьми, ни нятством, ни кровью, олижь очи-в-вочи, оба посполь, явно стануть на суде, вподлуг права христианьского: который ж будеть у подлуг переможениа права виноват, вподлуг обычаа и права коруны Полское имають быти казнены и сужены, подлуг их великости проступков.
|
4. Також за проступку, каково ль коли проступить, нихто иный, только тот виноватець, хто проступить, подлуг права христианьского имать быти казнен; штож ни жена за проступку мужа своего, а ни отець за проступку сына, а ни иный прироженый, а ни слуга только олиж бы был причастник тое проступкы, только выймуючи проступкы против нашего гос-подарьства.
5. Також призволяєм, абы княжата, рытери, шляхтичи, бояре, добро-волно имели бы моць выехати з наших земль князьства великого, для леп-шого исщастиа набытья, а любо учинков рытерьских, до каждых земль, сторон, толко выменяючи стороны неприательское; а куды выеждиваючи из своих именей, штобы службы наши не были замешканы, але нам и наместником нашим, как бы сами очивисте были, только кроть, колько надобе, служили бы.
6. Також предреченыи княжата и рытеры, шляхтичи, бояре, местичи имениа своя и отчины, што им данье, а любо дарованое чересь освяченого князя Олександра, нареченого Витовта, достойной памяти дяди нашего, и чересь освяченого князя Жикгимонта даные и дарованью, который ж держали, и имаюче и володеюче из их дарованиа, привильями, достаточным светочьством, твердостию листов возмогуть досветчити: с правом имають держати, якож то княжата и рытери, шляхтичи, бояре и местичи у коруне Польской своя имениа держать, и добровольную моць имають продати, и заменити и зычити, и дарити, к своему лепшому обернути; а коли тыи имениа продаючи, заменяючи, изыначаюче, даруюче, перед нами а любо перед нашими наместникы имають здати.
7. Також по смерти отцове, сынове и дочкы от своее отчины не имають отдалены быти, але с их ближними с полным правом имають володе-ти, якож то княжата, рытери, шляхтичи и местичи коруны Полскые своим володеють и к ужитком добрым промышляють.
8. А також, коли некоторому князю, рытеру, шляхтичю и местичу с того света пригодилося бы изыйти, тогды удову у-в именьи мужа ее оставити хочом, так долго, как долго будеть на столци вдовьем седети: ажь, пак, коли которая усхочеть к другой свадбе прийти, маеть быти дана, ко-гож выбереть. А дети ажь будуть первого мужа, в иманьи имають остати: ажь, пак, не будеть детей первого мужа, ино ближним именье первого мужа, якож и иный удовьі у коруне Польской держать. Ажь первый муж у предреченом именьи своем своей жене некоторое вено запишеть, а она можеть того досветчити: тогды, подлуг обычаа права, кому усхочеть тому полецить.
9. А такожь дочкы, племенници и удовы могуть за мужь давати, нас и наших наместников не докладываючи, нижли толко обычаи христианс-кыи у том заховаюче.
|
|
:
: