напсах брату своему такую же; хочю и еще и княгине своей псати грамоту
такую же.
В имя отца и сына и святого духа, молитвами святыа богородица и приснодевица Марья, святых аггел. Се яз князь Володимер, сын Василков, внук Романов, пишу грамоту: дал есмь княгине своей, по своемь животе, город свои Кобрынь, и с людми, и з данью, како при мне даяли, тако и по мне ать дають княгине моей. Иже дал есмь ей село свое Городел, и с мытом, а людье како то на мя страдале, тако и на княгиню мою по моемь животе; аже будеть князю город рубити, ини к городу, а побором и тотарь-щиною ко князю. А Садовое ей Сомино же дал есмь княгине свое(и) и ма-настырь свои Апостолы, иже създах своею силою. А село есмь купил Березовиче у (Ю)рьевича у Давыдовича Фодорка, а дал есмь на немь 50 гривен кун, а 5 локот скорлата, да броне дощатые: а тое (село) дал есмь ко Апостолом же. А княгини моа, по моемь животе оже восхочеть в черниче пойти, поидеть; аже не восхочеть ити, а како ей любо, мне не воставши смотрить, что кто иметь чинити по моемь животе.
Памятники русского права: Вып. 2. —М.,
1953. — С. 27—28.
Статутна грамота князя Мстислава Романовича (близько 1289 р.)
(Витяг) Се аз князь Мьстислав, сын королев, внук Романов, уставляю ловчее на Берестьаны и в векы, за их коромолу: со ста по две лукне меду, а по две овце, а по пятинадесять десяткъв лну, а по сту хлебов, а по пяти цебров овса, а по пяти цебров ржи, а по 20 кур; а по толку со всякого ста; а на горожанах 4 гривны кун. А хто мое слово порушить, а станеть со мною перед богом. А вопсал есмь в летописець коромолу их.
Памятники русского права: Вып. 2. —М., 1953. — С. 29.
Лев Данилович, князь галицький,
надає церкві святого Спаса село Страшевичі
(до 1301 р.)
(Витяг) А се я князь Левь снъ короля Данила згадавшися емь снашими бояри яко прадед наш царь великый Володимир и отец наш и придал митрополитом и епископом по всем землям роусским такоже и мы Богу и пресветло-моу преображению предаем к церкви святаго спаса монастырю село Стра-шевичи и созан манастырь святаго Михаила.
ГрамотиXIVст. —К., 1974. — С. 9.
:
: